++ حلاوة الجزر ++

المقادير:
5 كيلو جزر
10 _ 11 كوب سكر
جوز (حسب الرغبة)
عصير ليمونتين (او ليمندوزي)
ربع كيلو زبدة غير مملحة او دهن حر
هيل مطحون
::
طريقة التحضير
نسلق الجزر فورتين ورة ميغلي ونطفي النار
كما بالصورة

ننتظر ليبرد شوي بعدين نصفي من المي
ناخذ الجزر المسلوق وندكه بايد هاون او بكيفكم بوكسات اي شي
يؤيؤ

بعدين نصفي الجزر

هسة ناخذ مي الجزر ورة التصفية
نحطه على النار ونضيفلة السكر والليمون
واول ميغلي نضيف الجزر المصفى
ونظل نخلط بي على النار
اهم شي الخلط على النار
لازم على طول عيننا عليه كلشي ولا يلجع
تروح طعمة الحلاوة كلها
وهاي الصورة اثناء الخلط على النار

ورة مينشف المي تقريبا من الجزر
نضيفلة الدهن الحر او الزبدة
وهم نظل نخلطه على النار الهادية

بعد 3 ارباع الساعة حمس على النار الى ساعة لحد ميتحول الجزر الى اللون البني
نضيف رشة هيل حسب الرغبة
والجوز

يارب تكون عجبتكم

__________________

» حلاوة الزردة
» حلاوة التمر
» حلاوة الجبن
» حلاوة الدهين النجفية
» حلاوة التركية بالقشطة